Ynghylch ATLIS

Nodau
Mae ATLIS (Mynediad i Lyfrgelloedd ym Mae Abertawe) yn bartneriaeth o lyfrgelloedd a gwasanaethau gwybodaeth o fewn Dinas a Sir Abertawe a Chastell-nedd Port Talbot. Nod ATLIS yw gwella hygyrchu gwybodaeth, a chyfleoedd dysgu gydol oes i bawb sy'n byw, gweithio neu'n astudio yn ardal Bae Abertawe.

Mae mwy na thri deg pump o lyfrgelloedd o fewn Dinas a Sir Abertawe. Mae'r rhain yn cynnwys Llyfrgelloedd Abertawe, llyfrgelloedd Prifysgol Cymru Abertawe, Athrofa Addysg Uwch Abertawe, Coleg Abertawe a Choleg Gorseinon, yn ogystal â sawl llyfrgell ar gyfer gweithwyr iechyd proffesiynol.

Mae Llyfrgell a Gwasanaeth Gwybodaeth Castell-nedd Port Talbot yn cynnwys Coleg Castell-nedd Port Talbot yn ogystal â Llyfrgell Fenthyg a Chyfeirio Castell-nedd Port Talbot, Llyfrgell Iau Castell-nedd, Llyfrgell Port Talbot ac un ar bymtheg llyfrgell gangen.

Manteision i chi
Gall unrhyw un o'r ardal hygyrchu bron bob un o lyfrgelloedd ardal Bae Abertawe. Am ragor o fanylion ar y trefniadau hygyrchu, ynghyd â gwasanaethau ar eich cyfer, defnyddiwch y cyswllt ar frig y dudalen hon.

Bydd eich cyfleoedd dysgu gydol oes yn cael eu gwella a'u cefnogi. Cewch wybodaeth ar flaenau'ch bysedd ynghylch sut i chwilio am adnoddau yn ardal Bae Abertawe.

Manteision gwasanaethau llyfrgell lleol
Mae ganddynt fwy o wybodaeth am adnoddau a gwasanaethau lleol, er mwyn i bobl Bae Abertawe gael y defnydd gorau ohonynt. Ceir datblygiad staff cydweithrediadol a chyfleoedd i rannu profiadau.

Ceir cysylltiadau â mentrau lleol hefyd fel Dinas a Sir o Ddysg, yn ogystal â datblygiadau cenedlaethol fel Amcan Un. Hefyd ceir cyfle i wneud cynigion ar y cyd am arian allanol ar gyfer prosiectau ar y cyd.

Cysylltu â Gwefeistr